أنا معايا نوبيرا وكل ماأدور العربية أسمع صوت تكتكة تك تك تك تك من الموتور وشوية وشوية بيقل مع المشى
ياترى الصوت يكون مصدروا ايه؟ وهل أروح أكشف عليه فى التوكيل ؟العربية موديل 2006 ولسه فى الضمان
عرض للطباعة
أنا معايا نوبيرا وكل ماأدور العربية أسمع صوت تكتكة تك تك تك تك من الموتور وشوية وشوية بيقل مع المشى
ياترى الصوت يكون مصدروا ايه؟ وهل أروح أكشف عليه فى التوكيل ؟العربية موديل 2006 ولسه فى الضمان
روح اكشف احسن
ممكن تكون التكهات عايزة تتظبت (والله اعلم)
شكرا ياباشا على الرد
وأنا سعيد جدا انى اتعرفت عليك فى مقابلة يناير ( :
3lik w 3la al twkeel
IBIIIIIIIIIIIIIIIIIIIIIIIIIIIIIIIIIIIIIIIIIIIZZZZZ ZZZZZZZZZZZZAAAAAAAAAAAAAAAAAAA FOR EVER
طالما فى الضمان يبقى التوكيل احسن و ارخص
شكرا على الردود ياجماعة
ربنا يبارك فيكم ( :
اي خدمة يا شريف باشا
انت تأمر
حضرتك كنت فكيت سير الكتينة قبل ظهور الصوت ؟
ايوه انا سير الكاتينة و الدينامو غيرتهم فى صيانة الأربعين ألف و أنا دلوقتى عامل 54000 والصوت ماظهرش الا من قيمة أسبوع كده
اكشف على الزيت لان الصوت داا حصل معايا مرتين قبل كداااا وكان الزيت ناقص
لا تقلق
الصوت ده لو بيحصل لما تدور العربية الصبح او لما تسيبها تبرد فهو عرض طبيعى جدا مع عمر المحرك الحالى وبيحصل فى البرد وسببه ان الزيت بيكون لسة لم يصل لدرجة لزوجته الطبيعية وملئه لكل فراغات وش السلندر وبالتالى الصوت ده بيحصل من تنقير الكامات فى الكستبانات والصبابات بدون كمية زيت كافية وبيروح مع سخونة المحرك
طالما الصوت بيروح مع سخونة المحرك فلا تشغل نفسك به نهائيا، وعلى ما ييجى الصيف هتلاقى الصوت ده راح خالص وهيرجع الشتاء اللى جاى
غايز تبذل بعض المجهود فى هذا الصدد ، اعمل دورة زيت غسيل للمحرك وغير الزيت والفلتر واستعمل زيت20-50 من نوعية جيدة واقترح عليك شل هيليكس 20-50 او توتال كوارتز 5000(ده لو انت اصلا مش بتستعمل زيت تخليقى، لو بتستعمل زيت تخليقى استمر عليه)
كل المطلوب منك عدم القرص على العربية فى البرد لحد ما التكتكة تروح ، وطالما الصوت بيروح مع السخونة متدخلش نفسك فى متاهاتـ، هتسمع من يقول لك نغير طرمبة زيت ، وهتسمع من يقول لك نغير كستبانات وهتسمع من يقول لك نغير عمودج الكامو وربما انبرى احد الميكانيكية قائلا طقم صباب، وصدقنى الصوت ده طالما موجود عمره ما هيروح غير فى الحر، حتى لو غيرت طقم صباب هييورح شوية والصبابات جديدة وهيرجع بعد 5000-10000 آلاف كيلومتر بالكتير، لذلك طنش تعش، متسألش على الصوت ده غير لما تلاحظ انه اصبح مستمر ومش بيروح نهائيا حتى لو الموتور سخن
استعمل زيت خفيف فى الشتاء
شكرا على ردودكم ياجماعة ربنا يبارك لكم يارب
وشكرا أستاذ سبعاوى على اهتمامك وردك عليا وفعلا هو الصوت بيختفى مع سخونة الموتور و بالنسبة للزيت بستعمل زيت موبيل 1 تخليقى وهو كويس ولزوجته ممتازة
أشكركم كلكم